اسلام آباد۔27نومبر(اے پی پی) داخله وزير محسن نقوي د شورؤ په ورځ ډي چوك څخه تر خېبر پلازه دوره وكړه چرته چې ده په ډيوټۍ مامور د قانون نافذ كوؤنكو ادارو ځوانانو سره ملاقات وكړو او په مړانه ښودلو يۍ د هغوي ستائنه وكړه۔ داخله وزير محسن نقوي شرخوښو څخه د كليئر كړې شوو سيمو جاج هم واغست۔ ده سي ډي اے ته د سړكونو په سمدستي توګه د صفا كولو امر وكړو۔ داخله وزير د شرخوښو د بريدونو په نتيجه كښې ودانيو او نورو تنصيباتو ته د رسېدلې زيانونو جاج هم واغست۔ ده سړكونو څخه د ركاوټونو لرې كولو هدايت وكړو۔ د ده وېنا وه چې د پاك پروردګار شكر ادا چې د شر خپرونكو سازش ناكامه شو۔ د رېنجرز افسرانو او ځوانانو مړانې سره مظاهرچينان وتمبول۔ پاک پوځ ، اېف سی ،اسلام آباد، پنجاب او سندھ پولیس ته د مړانې كردار په ترسره كولو مباركي وركوم۔ ده ووئيل دا د سولييز پاكستان او امن خوښوؤنكو پاكستاني وګړو بريا ده۔
د داخله وزير محسن نقوي رينجرز ٬ اسلام آباد ٬ پنجاب او سندھ پوليس ٬ ايف سي او پاك پوځ ته د عقيدت پيرزوئنې
مضمون کا ماخذ : loteria do Paraná
متعلقہ مضامین
