اسلام آباد۔30اکتوبر(اے پی پی)خارجه دفتر وئيلي دي په پاکستان کښې په غير قانوني توګه د مېشته غېر ملګيانو د ويستلو پرېكړه دهېواد د خپلواكه قوانين او نړيوالواصولو له مخې ده۔ د خارجه وزارت وياندې زهره بلوچ د ملګرو ملتونو د هائي كمشنر (يو اېن اېچ سي آر) د یوبیان په ځواب كښې وئيلي دي دا پرېكړه د پاكستان د خپلواكه قوانين ٬ نړيوالو اقدارو او اصولو له مخې ده۔ يو اېن اېچ سي آر پاكستاني چارواكو ته خواست كړے ؤ چې د نومبر اولنۍ نېټې ډېډ لائن ختمېدو څخه وروستو دې هېواد څخه د ويستلو پرېكړه وځنډولې شي۔ وياندې ووئيل مونږ بشري حقونو لپاره د ملګرو ملتونو د هائي كمشنر پرېس بيان ليدلے دے۔ دغیرقانوني بهرنیانو د ستنولو پروګرام (آئي اېف آر پي) اطلاق په پاکستان کښې په غیرقانوني توګه میشته ټولو بهرنو وګړو باندې كېږي كه هغوي كوم هم قوميت يا هېواد سره تعلق لري۔ وياندې ووئيل په پاكستان كښې په قانوني توګه مېشته يا رجسټرډ ټول بهرني وګړي د دې پروګرام دائره كار څخه بهر دي۔ دې ووئيل د پاكستان حكومت د دې خلقو تحفظ او ضرورتونو په اړه خپل لوظونه په جدي توګه پالي٬ دې زياته كړه چې د لكھونو په شمېر افغان خوېندو او ورونړو په مېلمستياﺀ كښې د تېرو 40 كلونو ريكارډ د دې ښكاره ثبوت دے۔ وياندې په نړيواله ورورولۍ زور راوړو چې هغوي دې د يوې ترجيحي معاملې په توګه د تلپاتي حل په لړ كښې د كډوالو په مسئله قابو موندلو له اجتماعي هڅې ګړندۍ كړي۔ دې ووئيل پاكستان به دې مقصد لپاره خپلو نړيوالو همكارانو سره په ګډه كار كوي
په غيرقانوني توګه د ميشته بهرنيو وګړود ويستلو پريكړه د هيواد د خپلواكه قوانين او نړيوالو اصولو له مخې ده ٬ خارجه دفتر
مضمون کا ماخذ : لاٹری کے اعدادوشمار
متعلقہ مضامین
.jpg)
