لاهور 15 مئي (اے پي پي) د پاكستان پيپلز ګوند چيئرمېن او خارجه وزير بلاول بهټو زرداري وئيلي دي چې د راتلونكو ټاكنو په نتيجه كښې به هم مخلوط حكومت جوړېږي، داسې نه ښكاري چې كوم ګوند به واضح اكثريت ترلاسه كړي. ده دا خبرې د پيپلز ګوند ډپټي سېكرټري جنرل افنان صادق بټ سره د ملاقات په مهال په خپلو خبرو كښې وكړې. په دې موقع فېصل مير او عزيرالرحمان چن هم موجود وو. افنان بټ د ګوند چيئرمېن ته د خارجه وزير په جوړېدو مباركي وركړه او وې وئيل چې د پي پي پي عوامي لانګ مارچ هغه يواځنې تاريخي مارچ دے كوم چې نتيجه وركوونكې ثابت شوې. بلاول بهټو زرداري ووئيل چې په راتلونكو ټولټاكنو كښې به د تېر وخت په مقابله كښې د زياتو چوكو ترلاسه كولو هڅې كوو. ده افنان صادق ته هدايت وكړو چې په مېنځني پنجاب كښې دې د ګوند كاميابې لپاره كاركنان فعاله كړي.
مضمون کا ماخذ : ایزٹیک گولڈ
.jpg)
