اسلام آباد 27 مارچ (اے پي پي) د منصوبه بندې وفاقي وزير اسد عمر او د كورنيو چارو وفاقي وزير شېخ رشيد احمد وئيلي دي چې په هېواد كښې به پرېكړې حرام پېسې جوړونكي نه بلكې اولس كوي، عمران خان نه يوازې د پاكستان بلكې د امت ليډر دے، دا جنګ به عمران خان پاكستان لپاره نه اسلامي امت لپاره ګټي، اولس خواهش لري چې نواز شريف، شهباز شريف او آصف علي زرداري په زندان كښې وي. د اتوار په ورځ په پرېډ ګراٶنډ كښې د امر بالمعروف غونډې ته په خپله وېنا كښې وفاقي وزير اسد عمر ووئيل چې د انسان پېژندګلي د دې نه كېږي چې د هغه مخالفت څوك كوي، په دې وخت كښې د عمران خان په ضد هغه خلق ولاړ دي كوم چې په سياست كښې حرام پېسه كاروي. په دې كښې د يو رپېدل پښې دي، بل فضل الرحمان دے كوم چې ځان ته مولانا وائي خو وائي چې جوبائيډن د نړۍ ليډر دے، هغه د فضل الرحمان ليډر كېدے شي خو زمونږ نه دے. وفاقي وزير ووئيل چې عمران نړۍ ته وئيلي دي چې مونږ ټولو سره په امن تلل غواړو خو مونږ غلامي نه قبلوو. ده ووئيل چې ټولټاكنې به به په كال 2023م كښې كېږي خو چې څنګه وزيراعظم قوم راويښ كړے دے زما زړه غواړي چې نېټه بدله شي چې دغسې دوي ته معلومه شي چې پاكستان چا سره ولاړ دے. غونډې ته د كورنيو چارو وفاقي وزير شېخ رشيد احمد ووئيل چې يو محبت د اقتدار وي او يو محبت د اولس وي. اولس وزيراعظم سره محبت كوي. ده ووئيل چې غله او شوكمار يو ځائ شوي دي، ګېنګ آف تهري د قذافي، صدام حسېن او اسامه مال هم نه دې پرېښي، نواز شريف سازش كولو سره لندن ته لاړو. ده ووئيل چې قوم ګراني زغملې خو خواهش لري چې نواز شريف، شهباز شريف او آصف زرداري په جېل كښې وي. په دې موقع د سندھ ګورنر غونډه ته په خپله وېنا كښې ووئيل چې دوه مږې په لندې كښې پټې دي او درې په پاكستان كښې دي.
په هېواد كښې به پرېكړې حرام پېسې جوړونكي نه بلكې اولس كوي، عمران خان نه يوازې د پاكستان بلكې د امت ليډر دے. د وفاقي وزيرانو اسد عمر او شېخ رشيد احمد په پرېډګراٶنډ كښې د امر بالمعروف غونډې ته وېنا
مضمون کا ماخذ : لیپریچون کی خوش قسمتی۔
متعلقہ مضامین
