اسلام آباد۔21ستمبر(اے پی پی)وزیر خارجہ شاہ محمود قریشی ڄڳ کوں توجہ ݙیوائی اے جو او ایں اہم موقع تے اف??ان??تان توں منہ نہ موڑے اف??ان??تان دے امن کیتے آپݨی ذمہ واری نٻھاوے۔ سی این این تے اپݨے ہک مضمون اچ وزیر خارجہ آکھیا جو اڄ ہکو اری ول اف??ان??تان توجہ دا مرکز ٻݨیا ہوئے، جتھاں صورتحال تے پورے ڄڳ کوں چنتا اے، چیلنج اے ہے جو اف??ان??تان اچ اپݨے اپݨے مفادات توں ہٹ تے امن و استحکام کیتے رل تے کم کریڄے، 4 ݙھاکیاں توں ظلم دے مارے افغانیاں کوں سکھ ݙیوݨ دی لوڑھ اے، پاکستان سب توں ودھ چاہندے جو اف??ان??تان اچ امن و استحکام آوے جو اے ساݙے فیدے دی ڳالھ اے، اساں نہ ٻئی بدامنی برداشت کر سڳدے ہیں نہ ٻئے افغان مہاجرین دا ٻھار چا سڳدے ہیں، جو اساں پہلے ہی دہشت گردی دے خلاف جنگ اچ 80 ہزار توں جاناں دی قربانی ݙتی اے، 40 لکھ توں ودھ افغان مہاجرین سنٻھالین، 150 ارب امریکی ڈالر توںو دھ مالی نقصان چاتے، ساکوں الزام تراشی دے کھیݙ اتے غیر حقیقی توقعات ٻہوں ازمائے، بھل اساں اف??ان??تان دے امن کیتے ہمیشہ ثابت قدم رہے ہیں۔ انہاں آکھیا جو امریکہ، طالبان مذاکرات اچ وی پاکستان کردار ادا کیتے، اف??ان??تان توں انخلا دے ویلھے اچ وی پاکستان ہی کمیں آئے۔ شاہ محمود قریشی آکھیے جو اڄ اف??ان??تان ??چ تاریخ دا رخ بدل ڳئے، بھل اساں خطے اچ استحکام دا نواں دور شروع کر سڳدے ہیں، مغرب اپݨے معاشرتی نظریہ دے مطابق افغان معاشرے کوں ڈھالݨ دی سوچ چھوڑ ݙیوے، پاکستان انسانی حقوق دے تحفظ، بالخصوص تریمتیں اتے چھوریں اتے افغان آبادی دے انتہائی کمزور طبقات دے تحفظ دی حمایت کریندے ہیں، اساں انڄھا اف??ان??تان چاہندے ہیں ڄیڑھا اپݨے نال نال، اپݨے ہمسایاں اتے ڄڳ نال امن اچ راہون۔
ڄڳ کوں ایں اوکھے ویلھے افغانستان توں منہ نئیں موڑݨا چاہیدا، عالمی برادری افغانستان دے امن کیتے آپݨی ذمہ واری نٻھاوے، وزیر خارجہ شاہ محمود قریشی
مضمون کا ماخذ : سانتا کی جنگلی سواری۔
متعلقہ مضامین
