اسلام آباد۔28جون (اے پی پی):وزیراعظم دے مشیر پارلیمانی امورڈاکٹر بابر اعوان آکھیے جو وزیراعظم عمران خان تے پی ٹی آئی دے اتحادی آئین اتے پارلیمنٹ دی بالادستی چاہندن ، اپوزیشن نال مذاکرات دے در??از?? کھلیے پئن، حکومت سمندر پار پاکستانیاں کوں ووٹ دا حق ݙیوݨ چاہندی اے جݙاں جو شہباز شریف انہاں کوں ووٹ دے حق توں محروم کرݨ چاہندن ، نوازشریف شریفانہ طریقہ نال خود کوں قانون دے سامݨے سرنڈر کرن۔سنوار کوں وزیر مملکت ??طلاعات و نشریات فرخ حبیب دے ہمراہ پریس کانفرنس توں خطاب کریندے ہوئیں ڈاکٹر بابر اعوان آکھیے اپوزیشن بجٹ کوں ݙٹھے بغیراعتراض کیتے بلوچستان اسمبلی اچ وی اپوزیشن ولوں بحث کوں روکݨ دی کوشش کیتی ڳئی ،وزیراعظم عمران خان اتے حکومت دے اتحادی آئین دی بالادستی چاہندن انتخابی اص??احات دے بعد عدالتی اص??احات حکومت دی اولین ترجیح اے اساں عدالتی اتے لا ریفارمز تے کم کریندے پیوں ، انہاں آکھیے جو وزیراعظم عمران خان سمندر پار پاکستانیاں کوں ووٹ دا حق ݙیوݨ چاہندن عدالت اے وی آکھدی اے جو سمندر پار پاکستانی ملک دا چہرہ ہن۔ سمندر پار پاکستانیاں کیتے کیتی ڳئی ڳال غیر مناسب ہئی ، شہباز شریف سمندر پار پاکستانیاں کوں ووٹ دے حق توں محروم کرݨ چاہندن حالانکہ ووٹ دا استعمال انہاں دا حق اے۔ھک سوال دے ولدے اچ ڈاکٹر بابر اعوان آکھیے جو نوازشریف کیتے وطن واپسی دے ݙورستے ہن ھک اے جو او خود شریفانہ طریقے نال خود کوں قانون دے سامݨے سرنڈر کرن تے ݙوجھا اے جو جیں عدالت اچ انہاں دا ٹرائل تھیندا پئے او ایندے نال رجوع کرن ۔ ھک ٻئے سوال دے جواب اچ انہاں آکھیے جو اڳلے الیکشن توں پہلے انتخابی اص??احات اتے ای وی ایم دا عمل ممکن کرݨا اے۔ ایں کیتے بجٹ اچ رقم وی رکھ ݙتی ڳئی اے ۔اپوزیشن دی انتخابی اص??احات دے حوالے نال تجویز تے غور کیتا ویسی انہاں دی تجویز کوں بلاوجہ مسترد نہ کریسوں ۔تجاویز آسن تاں سینیٹ توں وی قانون منظور تھیسی ۔
وزیراعظم عمران خان تے پی ٹی آئی دے اتحادی آئین اتے پارلیمنٹ دی بالادستی چاہندن ، اپوزیشن نال مذاکرات دے دروازے کھلیے پئن، ڈاکٹر بابر اعوان دی فرخ حبیب دے رلے پریس کانفرنس
مضمون کا ماخذ : جوگوس ڈی لوٹیریا آن لائن
متعلقہ مضامین
