اسلام آباد 06 ستمبر (اے پي پي) د منصوبه بندۍ او پرمختګ وفاقي وزير احسن اقبال وئيلي دي د پلاننګ کميشن د پاليسي بورډ جوړولو مقصد د نجي څانګې مرستې سره د هېواد اقتصادي منصوبه بندۍ كښې بهتري او سپېځلتيا راوستل دي، د پاکستان معاشي صورتحال له مخې په هېواد كښې سرمايه كارۍ او په بېلا بېلو څانګو كښې برامدات زياتولو ته اړتيا ده۔ د وفاقي وزير احسن اقبال په مشرۍ كښې د پلاننګ کميشن د پاليسي بورډ وړومبۍ غونډه په اسلام آباد كښې وشوه چې پكښې د منصوبه بندۍ سيکرټري ٬ د نجي ادارو نمائندګانو، کارپوريټ ليډرز او د بېلا بېلو څانګو پوهانو ګډون وكړو۔ په دې موقع وفاقي وزير احسن اقبال ووئيل د پلاننګ کميشن د پاليسي بورډ جوړولو مقصد د نجي څانګې مرستې سره د هېواد د اقتصادي منصوبه بندۍ عمل كښې بهتري او سپېځلتيا راوستل دي۔۔ ده زياته كړه چې د نجي څانګې شركت سره به د منصوبه بندي کميشن كاركردګۍ كښې ځانګړې بهتري راشي او دا اقدامات به د پاكستان معيشت مستحكم كولو له مرستياله وګرځي۔ احسن اقبال په دې خبره زور راٶړو چې د پاليسي بورډ غړي به د منصوبه بندۍ کميشن د مالي چارو او د آډټ په نګرانۍ كښۍ د حکومت مرسته كوي۔ ده ووئيل د بورډ غړي به د ستراتېژك فرېم ورك جوړولو سره سر لنډوم او اوږد مهاله منصوبو كښې هم كليدي كردار ولوبوي۔۔ ده د دې خبرې پخلے وكړو چې حکومت د نجي څانګې د پوهانو د تجويزونو هركلے كوي او د دوي مشورې به په قامي پرمختيائي منصوبو كښې شاملولې شي۔ د غونډې په پائې كښې وفاقي وزير احسن اقبال ووئيل د پاکستان معاشي صورتحال له مخې په هېواد كښې سرمايه كارۍ او په بېلا بېلو څانګو كښې برامدات زياتولو ته اړتيا ده۔ ده هيله څرګنده كړه چې د پاليسي بورډ غړي به د قامي پرمختګ په عمل كښې خپل بشپړ كردار ولوبوي او حكومت سره په ګډه به هېواد د معاشي استحكام په لاره روانولو له مرسته وكړي ۔ احسن اقبال زياته كړه چې حكومت دا عزم لري چې پاكستان دې تر كال 2035 د يو ټرېلين ډالرو معيشت جوړ كړے شي او دې لپاره به په فائيو ايز (5Es) فريم ورك موثره عملدرآمد كولې شي۔ ده ووئيل د نجې ادارې، سول سوسائټي او پوهانو له به په ګډه هېواد د استحكام پلو بوتللو كښې خپل كردار لوبول وي٬ نجي ادارو سره تعلق لرونكي شراكتدارو او پوهانو د پاليسي بورد په وړومبۍ غونډه كښې د خپلے رائے څرګندونه وكړه او حكومت سره معاونت لپاره ئې د عزم څرګندونه وكړه۔
د پلاننګ کميشن د پاليسي بورډ جوړولو مقصد د نجي څانګې مرستې سره اقتصادي منصوبه بندۍ كښې بهتري او سپېځلتيا راوستل دي۔ وفاقي وزير احسن اقبال
مضمون کا ماخذ : گنہر نا لوٹیریا
متعلقہ مضامین
