اسلام آباد۔24ستمبر(اے پی پی) وزيراعظم محمد شهباز شريف د ملګرو ملتونو د عمومي اسمبلۍ په 77مه غونډه كښې د ګډون په لړ كښې نيويارک ته د خپل سفر په مهال په پاكستان كښې د سېلابونو له وجې د 33 ميليونه متاثرينو په ستونزو رڼا واچوله كوم چې د بنيادي ضرورت څيزونو ته زياته اړتيا لري او په دې لړ كښې يې په نړيواله كچه اقدامات وكړل۔
۔ د ملګرو ملتونو د عمومي اسمبلۍ غونډې په موقعه په سائيډ لائن شېډول زيات مصروف پاتې شو۔ ده د موسمياتي بدلونونو ناوړه اغېز ٬ معاشي ستونزو او د بې وزله هېوادونو زياتو ځپلې شويو طبقو محفوظ جوړولو له په نړيواله كچه د هڅو كولو غوښتنه وكړه۔ وزيراعظم يو شمېر نړيوالو لارښودو سره ملاقاتونه وكړل كوم كښې چې ده پاكستان كښې د كروړونو په شمېر سېلاب ځپليو ته په پېښو ستونزو رڼا اچولو سره دوئي سره د فوري مرستې په حاجت زور راوړو۔ په دې اړه په خپل يو ټويټ كښې ده ووئيل د ملګرو ملتونو عمومي اسمبلۍ غونډې په مهال ما بېلو نړيوالو لارښودو سره ملاقاتونو كښې د موسمياتي بدلونو اثرات ختمولو له په ګډه د نړيولو هڅو كولو په حاجت زور راوړو۔ امريكائي صدر د سوؤنو په شمېر خلكو په مړينه د غم دړد او افسوس څرګندونه وكړه۔ وزیراعظم د پاكستان سېلاب ځپليو سره مرستې لپاره نړيوالې ورورولۍ ته په پېغام وركولو د امريكې صدر مننه وكړه۔ دغسې وزيراعظم د بېلجیئم ، جاپان او ملایشیاء خپلو همڅنګو سره هم ملاقاتونه وكړل۔ دې نه ځانله وزيراعظم د فرانس صدر ایمانویل مېکرون سره هم وليدل او دوي سره يۍ د سېلاب صورتحال په شمول د شريكې خوښې په چارو خبرې وكړې۔ وزيراعظم د ایران صدر ابراهیم رئیسی سره ملاقات كښی پاك ايران اړيكو ته د ودې وركولو په حاجت زور راوړو۔ وزيراعظم د آستريا چانسلر كارل نيهامر سره ملاقات وكړو او هغه سره يۍ د شريكې خوښې چارو په شمول په دوه اړخيزه اړيكو او سيمه ايزو مسئلو د خيالاتو څرګندونه وكړه۔ د ملنډا اېنډ بل ګېټس فاؤنډیشن همكار مؤسس هم وزيراعظم سره ملاقات وكړو۔ بلخوا وزيراعظم شهباز شريف د ملګرو ملتونو په هيډکوارټرز کښې د ملګرو ملتونو له سېکرټري جنرل انتونيو ګوتريس سره وليدل۔ د ملګرو ملتونو د عمومي اسمبلې له مشر سره د لیدنې په مهال وزیراعظم د ملګرو ملتونو په سلامتي كونسل كښې د پراخه اصلاحاتو په كولو زور راوړو۔ هغه ووئيل د دولتونو ترمنځ رڼې، مشورتي او مثبتې خبرې اترې بنيادي اهميت لري، چې په اړه يۍ ټول غړي هېوادونه بايد خپل حالات او تمې روښانه کړي۔ د ملګرو ملتونو عمومي اسمبلۍ غونډې ته د خپل تقرير په مهال وزيراعظم د موسمياتي بدلونونو او ګلوبل وارمنګ حساسيت نه ځان خبرولو او ددې مخنيوي له د بشپړه اقدامات وړاندېز وركړو۔ ده ووئيل د کاربن په اخراج كښې د يو فيصد نه هم كمه برخه لرلو باوجو پاكستاني معيشت او اولس ددې يو په دوه قيمت پورته كوي كومه چې موسمياتي ناانصافي ده۔ ده ووئيل زه دلته ولاړ يم خطاب كوم ٬ د خپل هېواد احوال بيانوم او زما زړه او دماغ په پاكستان كښې دي۔ ده ووئيل پاكستان ته چې كوم خفګان او زيان رسېدلې دې هغه زه په ټكو كښې بيانولې نه شم۔ زمونږ ستونزې د اندازو نه زياتې دي۔ وزیراعظم د ملګرو ملتونو د سلامتي كونسل د قراردادونو لمخې د كشمير مسئلې په پرامن حل زور راوړو۔ د خپلې دورې په مهال وزيراعظم په پاكستان كښې د سېلاب د لاسه د شوې تباهۍ حوالې سره راجوړ كړې شوي نندارتون ليدلو له هم لاړو كوم چې د ملګرو ملتونو ودانۍ لابي كښې لګولې شوې وو۔ وزیراعظم د یو اېن جی اے غونډې په سائيډ لائن يو شمېر نړيوالو لارښودو او د نورو هېوادونو اعلی چارواكو سره هم خبرې وكړې۔
وزيراعظم محمد شهباز شريف د موسمياتي بدلونونو او پاكستان كښې دسېلاب ځپليو مسئلې په ډاګه كړې
مضمون کا ماخذ : پنجاب لاٹری
متعلقہ مضامین
.jpg)
