اسلام آباد۔16اپرېل (اے پي پي) د پارليماني چارو وزيرمملكت علي محمد خان وئيلي دي حكومت د حرمت رسول اړه شوې لوظنامې نه يو انچ هم شاته كېدے نه شي۔ هېواد كښې ټولې لارې پرانستلې شوې دي۔ حالات د معمول له مخې شوي دي۔ د جمعې په ورځ د قامي اسمبلۍ غونډه كښې د خيالاتو څرګندونې په مهال هغه ووئيل زمونږ د ژوند مقصد د رسول اكرم (ص) حرمت دے۔ نبي علېه السلام سره د عشق په نامه د هېواد اړي ګړي سره مخ كولو ٬ د امن وضعه خرابولو ٬ د خلكو يرولو او په پوليس د بريدونو كولو دين اجازه نه وركوي۔ هغه ووئيل په ختم نبوت او حرمت رسول (ص) مونږ ټول متفق يؤ۔ په فرانس كښې په رامخې ته شوې پېښه ګرد هېواد كښې احتجاج شوے۔ پرېكړه شوې چې حكومت به دا معامله ايوان ته راوړي۔ هغه ووئيل داخله وزير او د مذهبي چارو وزير يو مذهبي تنظيم سره مشاورت وكړو۔ د مذاکراتو په مهال د هغوي وېډيوز راغلې چې هغوي به په 20 اپرېل احتجاج هم كوي۔ دې سره مذاكرات كښې تعطل رامخې ته شو۔ وزيرمملكت ووئيل فرانس كښې چې كله دا بدقسمته پېښه رامخې ته شوه دواړو ايوانونو د فرانس صدر د دې عمل غندنه وكړه او د غندنې قرارداد پاس كړے شو۔ وزیر اعظم عمران خان دا معامله په نړيوال فورم پورته كړه۔ وزیراعظم د ټولو اسلامي هېوادونو مشرانو ته خطونه ولېږل۔ هغه ووئيل ټی اېل پی درې وارې احتجاج كړے۔ حكومتونو دوئي سره مذاكرات كړي دي۔ هغه ووئيل چاته به اجازه وركولې نه شي چې په حكومت په زور پرېكړه ومني۔ علی محمد خان ووئيل داخله وزير او د مذهبي چارو وزير به د ګل په ورځ ايوان په دې معامله اعتماد كښې اخلي
حكومت د حرمت رسول په اړه شوې لوظنامې نه يو انچ هم شاته كېدے نه شي۔ هېواد كښې ټولې لارې پرانستلې شوې دي۔ حالات د معمول له مخې دي۔ د پارليماني چارو وزيرمملكت قامي اسمبلۍ كښې د خيالاتو څرګندونه
مضمون کا ماخذ : لوٹیریا سانتا کیٹرینا
متعلقہ مضامین
