اسلام آباد ۔ 12 مارچ (اے پی پی) وزیر اعظم محمد نواز شریف وئيلي دي د هولي خوشحالۍ په مهال پاكستان هندو ورورولۍ ته مباركي وركوي۔ دا د موسم د بدلون او د سپرلي د راتګ اعلان دے۔ دا اختر د اميد پېغام دے هغه اميد چې مونږ ته د يو غوره سباؤن زېر راكوي۔ دا د دې خبرې زېرے دے چې څنګه د يخنۍ موسم په سپرلي كښې بدلېږي۔ دغسې د ټولنو حالات هم بدلېږي۔ د پاكستان موسم بدلېږي او دلته هغه ورځې هم بېرته راروانې دي د كوم لټون لپاره چې د مذهبونو ترمينځھ د همغږۍ بنياد اېښودلې شوې۔ د هندو ورورولۍ د خوشحالۍ اختر په موقع خپل خاص بيان كښی وزير اعظم ووئيل پاکستان دې لپاره جوړ شوے ؤ چې دا به يوازې پاكستانيانو لپاره نه وي۔ د دې منطقې د هرې قبيلې او ورورولۍ لپاره به د امن مركز وي۔ قائد اعظم په 11 اګست1947ء دا په ډاګه كړې وه چې د مذهب په بنياد به دلته چاسره كوم د فرق سلوك كولې نه شي۔ د پاكستان رياست د قائد اعظم اقليتونو سره دغه تقرير كښې كړې وعدې پاللو پابند دے او په دې معامله كښې به كوتاهي زغملې نه شي۔ وزيراعظم ووئيل پاكستانې اولس چې د فساديانو دلاسه كومو سونزو سره مخ دے پاكستاني اقليتونه هم دې ځپلې دي۔ ده ووئيل دا خبره د افسوس وړ ده چې دې لپاره د اسلام نامه وكارولې شوه كوم چې د يو انسان قتل د ټول انسانيت قتل ګرځوي او د يو انسان ژوند بچ كول د ټول انسانيت ژوند بچ كول ګرځوي۔ وزیر اعظم محمد نواز شریف ووئيل حكومت د اسلامي تعليماتو او د پاكستاني آئين په رڼا كښې د وګړو ترمينځھ يو ډول حقونه باوري كوي۔ او ددې خبرې به اهتمام كولې شي چې چا سره د مذهب په بنياد د فرق سلوك ونكړې شي۔ دوئي ته دې په خپل مذهب عمل كولو كښې بشپړه آزادي ترلاسه وي۔ ده ووئيل مونږ له به داسې ټولنه جوړول وي كومه كښې چې هر وګړې ځان آزاد وګڼي او دې كوم جبر سره مخ نه كړے شي۔ده ووئيل د هولي اختر مونږ ته دا پېغام راكوي چې نېكي به باقي وي او بدۍ ته به شكست كيږي۔ وزیر اعظم هندو ورورولۍ ته يو ځل بيا مباركي وركولو سره ووئيل مونږ تاسو سره د يو والي څرګندونه كوؤ۔
د هولي اختر خوشحالۍ په مهال پاكستان هندو ورورولۍ ته مباركي وركوي۔ دا د موسم د بدلون او د سپرلي د راتګ اعلان دے۔ دا اختر د اميد پېغام دے هغه اميد چې مونږ ته د يو غوره سباؤن زېرې راكوي۔ د پاكستان وزيراعظم محمد نواز شريف د هولي اختر په مهال پېغام
مضمون کا ماخذ : جنگل کے راز
متعلقہ مضامین
